Sunday, August 10, 2014

MONDAY OF THE 19TH WEEK IN ORDINARY TIME (YEAR A)



MATEO 17:22-27. Sala ba ang dili pagbayad og buhis ngadto sa pangagamhanan? Ang ideya sa pagbayad og buhis gimugna para sa kaayohan sa bagang katawhan. Ang pundo nga matigom gikan sa buhis sa mga tawo gamiton sa pangagamhanan alang sa paghatag og saktong serbisyo ngadto sa katawhan. Tungod kay si Jesus Anak man sa Dios, dili na unta Siya angay’ng mohatag og buhis. Apan gipili niya ang paghatag og buhis ngadto sa templo aron sa paghatag og maayong ehemplo ngadto sa mga tawo. Ang pagbayad og saktong buhis maoy usa ka pamaagi sa paghigugma sa mga silingan, ilabina sa mga kabos ug nanginahanglan. Ang buhis mahimong daotan kon kini pangayoon sa dili maki-angayong paagi, o kaha gamiton alang sa daotang katuyoan. Sa ingon nga kahimtang, ang pagbayad og buhis dili na obligasyon nga angay natong sundon.