MATEO 14:1-12. Unsa may atong makuha kon kita
mobarog sa kamatuoran? Ang pagsulti sa kamatuoran usa ka buhat nga dalaygon,
apan lisod nga buhaton. Lisod tungod kay ang kamatuoran usahay sakit man
dawaton ug makasuko sa mga tawong masalaypon. Ang pagbarog sa kamatuoran maoy
nagdala kang Jesus ug kang Juan ngadto sa kamatayon – si Jesus sa sugo sa
kadagkoan sa mga Hudiyo ug si Juan sa sugo ni hari Herodes. Tungod kay ang
pagsulti sa kamatuoran delikado man, daghang ang maglikay sa paghimo niini.
Adunay motabon sa kamatuoran; ug ang uban magpalapala o mang-atik sa tawo aron
dili dumtan. Dili kini maayo. Sakto ang panultihon nga nagkanayon: “Mas maayo
pa nga pasakitan ko ikaw pinaagi sa pagsulti kanimo sa kamatuoran kaysa lipayon
ko ikaw pinaagi sa pagsulti kanimo’g mga bakak.”
