MATEO 23:1-12. Unsa
may maghatag sa tawo og kredibilidad? Usahay maghunahuna kita nga kon mas
daghan ang atong natun-an, mas motoo kanato ang mga tawo. Usahay usab atong
isipon nga kon daghan ang atong mga pagtulon-an mas mosunod kanato ang
katawhan. Aduna kini gamay nga kamatuoran. Apan ang ebanghelyo karon nagtudlo
nga labaw sa tanan, ang maghatag sa tawo og kredibilidad mao ang iyang
binuhatan. Ang mga magtutudlo sa Balaod ug ang mga Pariseo daghan og nahibaloan
sa ilang pagtoon ug kanunay silang nagwali, apan gisaway sila ni Jesus tungod
kay wala man nila puy-i ang ilang gipangwali. Ang mga tawo dali nga motoo ug
mosunod kanato kon ilang makita sa atong kinabuhi ang atong gipangtudlo. Matod
pa, kon ato nang gipuy-an ang mga pagtulon-an, ang mga pulong dili na
kinahanglan.
