Sunday, August 10, 2014

19TH SUNDAY IN ORDINARY TIME (YEAR A)


MATEO 14:22-33. Unsa may mensahe sa nahitabong paglakaw ni Jesus ibabaw sa tubig? Ang sakayan maoy nahimong simbolo sa Simbahan ni Kristo. Sama sa nasinati sa mga tinun-an didto sa sakayan nga giunos taliwala sa dagat, kita usab diha sa Simbahan makasinati usahay sa mga paghadla, katalagman o mga unos sa kinabuhi. Ang paglakaw ni Jesus sa tubig duol sa sakayan sa mga tinun-an magpahinumdum nga si Kristo sa kanunay magauban kanato. Haloyo sa mga katalagman, ang Ginoo anaa lamang sa duol aron sa pagbantay sa iyang katawhan. Kining ebanghelyo maghagit kanato sa pagsalig sa makaluwas nga gahum sa Dios. Para sa karaang mga Judiyo, ang dagat maoy puluy-anan sa mga yawan-ong pwersa. Sa pagpakalma sa makusog nga unos sa dagat, gipakita ni Jesus nga siya mas gamhanan pa kaysa tanang pwersa sa daotan.