MATEO 19:16-22. Unsa may angay natong buhaton aron
maangkon ang kinabuhing dayon? Kining maong pangutana importante kaayo ug angay
lamang nga ang tubag niini masayran sa kada tawo. Diha sa ebanghelyo gipasabot
ni Jesus sa batan-ong lalaki nga ang pagsunod sa mga kasugoan sa Dios
kinahanglan atong buhaton aron ang kaluwasan maangkon. Pinaagi niini, atong
mapakita nga kita nagtahod sa Makagagahum nga Dios. Apan dili lang kini mao.
Ang atong pagsunod sa mga kasugoan kinahanglang nga pagaubanan usab og
kasingkasing nga andam mobiya sa tanan aron sa pag-alagad sa Dios ug sa mga
kabos. Sa pagbuhat sa ingon, atong mapadayag nga kita dili kalibotanon, dili
ulipon sa bahandi, ug nga ang Gingharian sa Dios mao gyod ang atong kanunay’ng gitinguha
nga maangkon.
