MATEO 21:33-43. Unsa may gitudlo sa sambingay mahitungod sa Dios ug sa
Iyang pagdumala kanato? Ang sambingay naghulagway sa Dios sama sa usa ka
Tag-iya sa parasan nga adunay mga saop. Ang parasan maoy hulagway sa kalibotan,
samtang ang mga saop mao kitang mga tawo. Ang Dios maamomahon ug masaligon.
Gipahiluna ug gikumpleto niya ang kalibotan aron nga kon atimanon sa mga tawo
maghatag kini og daghang bunga. Ang Dios masaligon kaayo sa mga tawo. Iyang
gipiyal kanila ang kalibotan ug gihatag ang kagawasan sa pagdumala niini. Ang
sambingay nagpakita usab sa dakong pasensya sa Dios. Bisan sa kadaotan sa mga tawo,
ang Dios naghatag kanila og mga kahigayonan nga mabag-o. Hinaot nga kining
sambingay magdasig kanato sa pag-amping sa tanan nga binuhat sa Ginoo, ug dili makapahimo
natong abusado.
