LUKAS 11:37-41. Unsa may mas mahinungdanon – ang limpyo nga mga
kamot o ang limpyo nga hunahuna ug kasingkasing? Sa pagpangaon, importante ang
limpyo nga mga kamot; apan sa tanang panahon, mahinungdanon kanato ang limpyo
nga hunahuna ug kasingkasing. Dili kita angay’ng manundog sa mga Pariseo nga
kanunay nagbaton og daotang hunahuna ug pagbati ngadto sa ubang mga tawo. Kini
nga kinaiya maghatag og kadaot sa atong espiritu ug makahimo natong mapahitas-on,
madinumtanon, ug masinahon. Si Kristo naghatag og dakong pagtagad sa pangsulod
sa tawo tungod kay kini maoy tuboran sa maayong kinaiya ug binuhatan. Sila nga limpyo’g
hunahuna ug kasingkasing makamaong mosabut, dali nga malooy, ug humok magpasaylo
sa ubang mga tawo.
No comments:
Post a Comment