Tuesday, October 7, 2014

WEDNESDAY OF THE 27TH WEEK IN ORDINARY TIME (YEAR A)


LUKAS 11:1-4. Unsa man ang Maayong Balita ning hamubo nga pag-ampo nga gitudlo kanato ni Hesus? Usa sa pinakadakong gasa nga atong nadawat gikan ni Kristo mao ang katungod sa pagtawag sa Dios nga atong “Amahan”. Tinuod kini, mahimo nato Siyang tawgon  nga “Tatay”, “Papa”, o “Daddy”. Sa atong pag-ampo ang atong giduol usa ka Dios nga miila kanato nga Iyang mga anak. Dili kita mga tawo lamang. Mga anak kita sa Dios ug manununod sa Iyang gingharian. Busa, dili kita angay’ng maulaw o mahadlok Kaniya tungod kay gikan ni Kristo atong nasayran nga ang Dios usa ka mahigugmaong Amahan nga nasayod unsay atong gikinahanglan, nagbantay kanato sa kanunay, dugay nga masuko ug puno sa kaayo, mapasayloon, ug naglantaw kanunay sa atong kaluwasan. Tatay God, daghang salamat sa imong kaayo nga walay sukod.