LUKAS 10:25-37. Hain man aning duha ang mas bililhong pangutana: “Kinsa
man ang akong silingan?” o “Unsa man ako nga matang sa silingan? Ang unang
pangutana maoy gipangutana sa magtutudlo sa balaod. Daghan kanato mas mopili
aning pangutanaha kay kini magtuki man sa laing mga tawo. Kinsa man ang akong
silingan? Kinsa man nila ang angay’ng higugmaon o angay’ng kaloy-an. Ang
ikaduhang pangutana nagagikan kang Kristo ug maoy Iyang gusto nga atong
ipangutana sa kaugalingon. Unsa man ako nga matang sa silingan? Daghan kanato
dili ganahan aning pangutanaha tungod kay kini maghagit man kanato sa pagtan-aw
sa kaugalingon. Unsa man ako kamahigugmaon? Aduna ba akoy kasingkasing nga makamaong
malooy? Molihok ba ako aron pagtabang sa mga naglisod? Puno sa kamapaubsanon,
ato kining tubagon.
