LUKAS
10:38-42. Unsaon man nato pagdawat si Kristo diha sa atong tagsatagsa ka
kinabuhi? Atong masabtan sa ebanghelyo nga ang Dios buot mosulod dili lamang sa
atong mga panimalay kondili diha sa atong kasingkasing. Ikalipay pag-ayo sa
Ginoo kon kita, sama kang Maria, modawat kaniya ug mohatag og panahon aron
maminaw sa iyang mga Pulong. Mahimo nato kini pinaagi sa paggahin og mga
tinakdang oras sulod sa adlaw aron mag-ampo, magbasa ug mamalandong sa Pulong
sa Dios. Ikahimuot usab sa Ginoo kon kita, sama kang Marta, magsilbi Kaniya
pinaagi sa pag-alagad sa mga kauban sa balay ug mga silingan, ilabina ang mga
kabos nga adunay panginahanglan. Siguradohon lamang nato nga ang atong gugma sa
pagpangalagad magtubod gikan sa atong pagpakig-uban Kaniya diha sa pag-ampo.
