Wednesday, October 8, 2014

THURSDAY OF THE 27TH WEEK IN ORDINARY TIME (YEAR A)


LUKAS 11:5-13. Tubagon ba sa Ginoo ang tanan natong pag-ampo? Si Kristo nag-ingon: “Pangayo kamo, ug kamo hatagan.” Sa mabaw nga pagsabut, makaingon kita nga bisan unsay atong pangayoon sa Dios ato gyod nga madawat. Pero, dili man ingon niini ang atong kasinati-an. Daghan sa atong gipangayo sa Dios nga dili niya ihatag. Si Hesus nagpasabut sa hinungdan niini: “Bisan sa inyong kadaotan, mahibalo kamong mohatag ug maayong mga butang sa inyong mga anak.” Sa ato pa diay, ang Langitnong Amahan, nga dili matupngan sa kaayo, mohatag lamang sa mga butang nga dili makadaot kanato. Oo, tubagon sa Dios ang tanan natong pag-ampo. Usahay moingon siya, “Oo, kay angay na nimo”; usahay, “Dili, kay adunay mas nindot para nimo”; ug usahay, “Hulat lang, kay ihatag nako ang pinakanindot para nimo.”

No comments: