Sunday, October 26, 2014

30TH SUNDAY IN ORDINARY TIME (A)


MATEO 22:34-40. Unsa man ang han-ay sa gugma nga gisugo ni Kristo? Ang labing una mao ang Dios. Higugmaon nato Siya “to the max” – sa tibuok kasingkasing, tibuok kalag, ug tibuok hunahuna. Si Kristo nag-ingon, “Kini mao ang pinakadakong sugo”, nga sa ato pa, ang Dios mao gyod ang labing una sa atong kinabuhi. Ang sunod mao ang isigkatawo. Higugmaon nato ang isigkaingon sama sa kaugalingon. Atong bantayan nga ang “isigkaingon” nauna kaysa “kaugalingon” tungod kay subay kini sa giingon ni Kristo, “Ang buot mosunod kanako, kinahanglan andam malimot sa kaugalingon . . .” Kon atong sundon kining maong han-ay – #1 Dios, # 2 isigkatawo, ug #3 kaugalingon, magmalipayon ang katilingban. Pero kon ato kining balihon - #1 kaugalingon, #2 isigkatawo, ug #3 Dios – magubot ug mag-antos ang kalibotan.

No comments: