Wednesday, October 22, 2014

THURSDAY OF THE 29TH WEEK IN ORDINARY TIME (YEAR A)



LUKAS 12:49-53. Kamatuoran – ato ba kining barogan o daganan? Sa pagsangyaw sa Maayong Balita, si Kristo nagsulti dili sa unsay gustong madungog sa mga tawo kondili sa unsay matarong ug sakto. Adunay mga tawo nga nidawat sa iyang mensahe ug nisunod sa iyang mga kasugoan. Apan daghan usab ang wala nakagusto sa iyang gipangtudlo ug nasuko kaniya. Tungod kang Kristo nagkabahinbahin ang mga tawo, bisan gani diha sa mga panimalay. Kining ebanghelyo maghagit kanato sa pagbarog ug pagpanalipod sa kamatuoran. Atong babagan ug sawayon ang mga daotang binuhatan bisan kon ang nagbuhat niini atong mga igsoon o kahigalaan. Sa atong paghimo niini, kinahanglan natong magmalig-on tungod kay adunay masuko ug magpasipala kanato sama sa nasinati ni Kristo ug sa iyang mga tinun-an.

No comments: