LUKAS 11:27-28. Kinsa man ang labing bulahan kanatong tanan?
Dihay miingon kang Kristo: “Pagkabulahan sa babaye nga nagsabak ug nagmatuto
kanimo!” Apan gitubag kini niya:
“Bulahan ang mga tawo nga naminaw sa Pulong sa Dios ug nagpuyo niini”. Kining
gisulti ni Hesus wala makapaubos sa dignidad sa iyang inahan nga si Santa Maria.
Gani, kini naghimo sa Mahal nga Birhen nga mas dalaygon pa tungod kay siya man
ang labing nindot nga modelo sa usa ka tawo nga nagpuyo sa mga paagi sa Dios.
Sa iyang pagka-inahan sa Anak sa Dios, si Maria wala nahimong mapahitas-on;
hinuon, nagpabilin siyang mapaubsanon ug masinugtanon sa kabubut-on sa Dios. Pinaagi
ning ebanghelyo kita gipahimangno-an nga ang pagka-bulahan wala sa estado o sa dungog
sa tawo kondili sa iyang pagkamatinud-anon sa Dios.
No comments:
Post a Comment