Wednesday, October 15, 2014

THURSDAY OF THE 28TH WEEK IN ORDINARY TIME (YEAR A)


LUKAS 11:47-54. Unsa may saktong paagi sa pagpanudlo? Ang mga magtutudlo sa Balaod gitahasan sa pagpasabot sa kahulogan sa Balaod ngadto sa katawhan sa Dios. Dako kaayo ang ilang papel sa kinabuhing moral sa mga tawo. Apan, gisaway sila ni Hesus tungod kay sila mismo wala nagsunod sa espiritu sa Balaod, ug gani sila pa ang nahimong babag sa mga tawo nga makasabut ug makatuman sa kabubut-on sa Dios. Kining ebanghelyo usa ka dakong hagit sa mga ginikanan, mga magtutudlo sa tulonghaan, ug mga pangulo sa Simbahan. Anaa kanila ang dakong katungdanan sa pagpasabut sa kabubut-on sa Dios ngadto sa ilang mga anak, mga estudyante, ug mga parokyano. Hinaot nga sila ang mag-una sa pagpuyo sa Kristohanong pagtulon-an nga ilang itudlo aron sila daling masabtan sa ilang mga ginsakopan.

No comments: