LUKAS 12:54-59. Nganong importante man ang pagbantay sa mga tilimad-on sa
panahon? Ang mga mag-uuma magbantay sa mga tilimad-on sa panahon aron sila
mahibalo sa saktong higayon alang sa pagtanum, pag-abuno, ug pag-ani. Ang mga
marino magbantay usab sa mga tilimad-on sa panahon aron malikayan nila ang
katalagman samtang naglawig sa kadagatan. Diha sa atong espiritohanong
kinabuhi, angay usab kitang magbantay sa mga tilimad-on aron atong malikayan
ang espirituhanong pagkadugmo ug kaparotan. Susihon nato kanunay ang atong
relasyon uban sa Ginoo ug sa isigkatawo. Nagkaduol ba kita sa Dios o nagkalayo?
Nag-anam ba kita kamahigugmaon sa isigkaingon o nagpabilin pang masuk-anon ug
madinumtanon? Si Kristo mao ang timaan gikan sa langit; ang Iyang kinabuhi maoy
atong tan-awon ug sundon.
No comments:
Post a Comment