Mateo 1:1-17
GIUNSA MAN NATO PAGDAWAT
ANG ATONG KALIWATAN? Ang atong mga kaliwat mahimo nga maghatag nato’g dungog;
pwede usab sila nga maghatag og kaulawan. Kasagaran, ikaulaw nato ang mga
kaliwat nga nakahimo’g dakong sala. Apan dili ingon niini ang pagbati nga
gipakita sa ebanghelyo ni San Mateo. Ang iyang listahan sa kaliwat ni Hesus
nag-apil sa mga tawo nga nakahimo’g eskandalo sama kang Rahab nga usa ka
daotang babaye ug kang David nga nakigrelasyon kang Batsheiba nga asawa sa
iyang sundalo. Pinaagi niini, gipakita sa ebanghelyo ang dakong tuyo sa pagpakatawo
sa Ginoo nga mao ang pagpasaylo ug pagluwas sa mga makasasala. Hinaot nga kita
usab makamaong mopasaylo sa atong mga kaliwat nga nakahimo’g dagkong sayop.
Importante kini alang sa kalinaw ug kaayohan sa atong pamilya.
Ning Kapaskohan:
- Atong handumon ang atong mga kaliwat nga nangamatay na.
I-ampo nato sila alang sa kapasayloan sa ilang mga sala ug alang sa ilang
kapahulayang dayon. Ato usab nga handumon ang mga buhing igsoon ug
paryenti nga gikaaway o gikahiubsan ug makighiuli kita kanila.
- Atong pasalamatan ang mga kaigsoonan ug kaparyentihan
nga naghatag kanatog maayong pagtulon-an ug panig-ingnan.
No comments:
Post a Comment