MATEO 11:16-19. GISUNOD BA NATO ANG PANAWAGAN SA PANAHON SA
ADBIYENTO? Ang libro sa Ecclesiastes nagtudlo nga adunay saktong panahon para
sa tanan - panahon sa paghilak, panahon sa pagkatawa; panahon sa pagsubo,
panahon sa pagsayaw; ug uban pa (3:4). Ang Adbiyento usa ka panahon nga
nag-awhag kanato sa pagsusi sa kaugalingon ug sa pagbasol sa mga kasal-anan, sa
pagtarong sa kinabuhi ug sa pagbiya sa mga daotang binuhatan. Kini ang
panawagan sa Adbiyento agi’g pagpangandam sa pag-abot sa Ginoo. Busa, ning
panahona, likayan una nato ang pagsabasaba, pagkumbira, pagsayawsayaw, ug
paglulinghayaw. Aron mahimong makahuloganon ang atong Pasko, atong ayohon ang
mga nangagubang relasyon, mangayo kita’g pasaylo sa Ginoo ug sa isigkatawo.
No comments:
Post a Comment