Mateo 1:18-25
MAGPABILIN BA ANG ATONG PAGTOO SA DIOS BISAN KON ANAA KITA SA KAHIMTANG
NGA MAKALIBOG UG MALISOD? Ang ebanghelyo naghatag kanato’g duha ka modelo sa
lig-ong pagtoo. Ang una mao si Maria, nga nagmabdos sa gahum sa Espiritu Santo.
Ang iyang pagsabak makalibog ug pwedeng maghatag kaniya’g dakong kaulawan.
Apan, si Maria nisalig sa gisulti sa anghel ug nitahan sa iyang kinabuhi ngadto
sa Dios. Ang ikaduha mao si Jose, nga bisan sa dili masabtang pagmabdos ni
Maria, nagpabiling matarong ngadto sa iyang hinigugma. Gisunod niya ang mensahe
sa anghel ug gipangasawa si Maria. Adunay nag-ingon: “Faith is not belief without
proof, but trust without reservation.” Hinaot nga mahisama kita kang Jose ug
Maria nga hugot ang pagsalig sa gugma ug panabang sa Dios.
Ning kapaskohan:
- Atong tan-awon ang mga
panghitabo sa atong kinabuhi karong mga panahona – sa kaugalingon, sa
pamilya, sa Simbahan ug sa katilingban. Aduna bay nakapalibog kanato?
Aduna bay nakatandog sa atong pagtoo?
- Pamalandongan nato kon unsa
ang mga mensahe sa Ginoo nga nag-uban ning mga panghitabo sa atong
kinabuhi. Pangayoon nato diha sa pag-ampo ang grasya sa dakong pagsalig sa
Diosnong pangaliya ug pag-amoma.
No comments:
Post a Comment