MATEO 11:11-15. UNSA MAY ATONG
BUHATON TALIWALA SA MGA DAOTAN NING KALIBOTAN? Matag karon ug unya, masinati
nato ang mga mangil-ad nga tawo ug panghitabo sa katilingban. Usahay makasilingan
kita og mga laog ug tsismosa. Usahay mahimo kitang biktima sa pagpanikas ug
inhustisya. Adunay kamatuoran ang giingon sa ebanghelyo: “Sukad pa sa mga adlaw
ni Juan Magbubunyag hangtod karon, ang gingharian sa langit nahiagom sa
kapintas, ug ang mga mapintas nangusog sa pag-ilog niini.” Isip mga sumusunod
ni Kristo, gidasig kita nga magpuyo nga malinawon, matarong ug madasigon
taliwala sa inadlaw-adlaw nga mga hagit, kalisod ug tintasyon. Dili kita angay’ng
mawad-ag paglaum, o kaha magmasuk-anon. Matod pa sa usa ka Chinese Proverb: “Instead
of cursing the darkness, better light a candle.”
No comments:
Post a Comment