LUKAS 5:12-16. SA UNSA
MANG PAAGIHA ANG TAWO MAHATAGAN OG LAWASNON UG ESPIRITUHANONG KAAYOHAN? Diha sa
pag-ayo ni Hesus sa usa ka sanglahon makita nato ang duha ka mahinungdanong
butang. Ang una mao ang pagduol ug pagpangaliyupo sa sanlahon. Ang tawo nga
gustong mamaayo kinahanglang molihok ug magpakita’g dakong kagustohan. Si San
Agustin ang nagpahinumdum: “God who created us without our help will not save
us without our consent.” Dayon, ang ikaduha mao ang kabubut-on sa Ginoo. Ang
tawo makadawat og kaayohan kon kini ihatag sa Dios nga maoy tuboran sa tanang
kinabuhi, kahimsog ug kapasayloan. Ang sanglahon nagtudlo kanato unsaon
pag-ampo: “Ginoo, kon buot ka, makaayo ka kanako.” Usa kini ka pag-ampo, dili
sugo, nga maoy atong isulti sa Ginoo kon kita adunay ihangyo.
No comments:
Post a Comment