THURSDAY OF THE 2ND WEEK IN ORDINARY TIME (YEAR C)

MARCOS 3:7-12. UNSA MAY KATUYOAN SA ATONG MAAYONG BINUHATAN? Ang mga maayong butang nga gipanghimo ni Hesus nadunggan sa daghang mga dapit ug ang katawhan nagsunodsunod kaniya. Nagpaandam na siya’g sakayan nga masakyan aron dili siya ma-ipit sa kadaghan sa mga tawo. Bisan ang mga yawa nanghapa sa iyang atubangan ug niila kaniya. Apan, sa kaulahi-an, ang ebanghelyo nag-ingon, “Gipahimangnoan pag-ayo ni Hesus ang mga yawa nga dili manugilon kon kinsa siya.” Ang katuyoan sa mga buhat ni Kristo mao ang kaayohan sa katawhan, dili ang kadungganan sa iyang ngalan. Si San Agustin nagtudlo ning maong hiyas: “Humility must accompany all our actions, must be with us everywhere; for as soon as we glory in our good works they are of no further value to our advancement in virtue.”