1JUAN 4:19-5:4. MAHIMO BA
NGA ATONG HIGUGMAON ANG DIOS UG DILI TAGDON ANG ISIGKATAWO? Ang Unang Sulat ni
San Juan adunay tubag niini: “Kon may moingon, ‘Nahigugma ako sa Dios’,apan
nagdumot sa iyang isigkatawo, bakakon siya; kay unsaon man niya paghigugma ang
Dios nga dili makita kon siya walay gugma sa isigkatawo nga iyang makita? Kini
ang gisugo ni Kristo: Ang nahigugma sa Dios kinahanglan mahigugma sa iyang
isigkatawo.” Kon mao kini, unsa may atong hagit isip mga magtotoo? Ang tema sa
pagduaw ni Pope Francis dinhi sa Pilipinas maghatag kanato og ideya: “Mercy and
Compassion”. Kining duha ka mga hiyas kinahanglan nga atong ugmaron diha sa
atong kaugalingon. Kon matag adlaw malooy ug motabang kita og usa ka tawo,
adunay labing menus 365 ka mga tawo ang atong matabangan kada tuig.
No comments:
Post a Comment