LUKAS 18:9-14. UNSA MAN NGA KLASE SA PAG-AMPO ANG
MAKAPALIPAY SA GINOO? Atong nasayran kang propeta Oseas nga ang Dios nagtinguha
sa atong gugma labaw sa atong mga hinalad (Hos. 6:6). Ang atong mga halad ug
sakripisyo walay bili kon kini dili ubanan og gugma para Kaniya ug sa
isigkatawo. Dugang pa niini, ang Panultihon nag-ingon nga ang Dios makigbatok
sa mga mapahitas-on ug malipay sa mga mapaubsanon (Pan. 3:34). Tungod niini,
atong masabtan ang punto sa sambingay ni Hesus karon. Ang pag-ampo sa Pariseo
wala makapahimuot sa Ginoo tungod kay kini mapahitas-on ug mabiaybiayon sa
isigkaingon. Ang pag-ampo sa kobrador sa buhis nakapahimuot sa Dios tungod kay
kini mapaubsanon, mahinulsolon ug matinud-anon. Gawas sa kapasayloan sa sala,
nadawat pa gyod niya ang pagdayeg gikan sa Dios.
No comments:
Post a Comment