Sunday, June 17, 2012

Monday of the 11th Week in Ordinary Time (Year B)



Mateo 5:38-42. Unsa may angay tang buhaton kon kita hilabtan o pasakitan sa isigkatawo? Kasagaran nato kon masakitan maghunahuna dayon nga manimalos. Kon masumbagan o matikasan, mangita dayon og paagi nga makasumbag o makapanikas og balos. Mao kini ang balaod sa “Mata bayrag mata” nga gustong usbon ni Cristo. Siya miingon, “Kon sagpaon ang tuo mong aping, ipasagpa usab ang wala.” Nagpasabot ba kini nga ato lamang tugotan ang laing tawo nga magbalikbalik sa pagpasipala kanato? Dili. Gisulti lamang kini ni Cristo aron sa pagtudlo nga dili gayod kita angay manimalos sa mga nakasala kanato. Ang pagpanimalos mopalungtad lamang sa panag-away nga maoy hinungdan sa walay katapusang kasakit.