Mateo
7:21-29. Unsa may mas maayo, ang tawo nga maampoon o ang tawo nga
buotan? Nindot unta kon kining duha ka kalidad mag-uban gayod diha sa
usa ka tawo. Ang problema kay adunay mga tawo nga makamao mag-ampo
apan dili moral ang pamuyo. Kining klaseha sa mga tawo angay maminaw
sa gisulti ni Cristo: “Dili ang tanan nga magtawag kanako 'Ginoo,
Ginoo,' makasulod sa Gingharian sa Langit, kondili kadto lamang
nagtuman sa kabubut-on sa akong Amahan.” Sa ato pa diay, ang pagtoo
ug pag-ampo mahimo lamang nga bililhon kon kini ubanan og sulondon
nga kinabuhi. Dakong sayop ang pag-ingon, “Sagdi lang ang daotan
kong binuhatan tungod kay sa pag-ampo ako man kining gibayaran.”
