Mateo
5:17-19. Unsa may papel sa balaod diha sa atong kinabuhi? Si Cristo
nagtahod sa mga balaod ug andam siya nga mosunod niini subay sa ilang
espirito ug katuyoan. Sa atong katilingban ug Simbahan karon adunay
mga balaod nga gipahiluna alang sa kaayohan sa tanan. Isip mga sakop
kita adunay obligasyon sa pagsunod niini. Ang pagtuman sa mga balaod
maoy usa ka pagpakita sa atong gugma sa Ginoo ug sa isigkatawo. Apan,
aduna bay panahon nga dili nato angay'ng sundon ang balaod? Kon ang
balaod dili magsilbi sa kaayohan sa tawo, o kon kini dili
makataronganon, dili kini angay'ng sundon. Kini ang nagpaluyo sa
giingon ni Cristo, “Ang balaod gihimo para sa tawo, dili ang tawo
para sa balaod.”
