Marcos
14:12-16, 22-26. Unsa man ang atong gibuhat diha sa pagkalawat? Diha
sa atong pagdawat sa lawas ni Cristo, kita gawasnon nga misulod sa
usa ka Kasabutan uban sa Dios. Sa pagkalawat, sama ra nga kita
miingon: “Oo Ginoo, gusto ako nga mahiusa kanimo.” Sa iyang
kabahin, si Cristo nagsaad kanato: “Ang mukaon sa akong lawas ug
moinum sa akong dugo makabaton sa kinabuhing walay katapusan.” Sa
Ingles, ang pagkalawat gitawag nato og communion, nga nagpasabut og
kahiusahan. Kining kahiusahan dili lang sa pagkaon kondili sa
kinabuhi ug misyon ni Cristo. Kon kita makig-uban ni Cristo sa matag
adlaw, makasiguro kita nga makadawat sa walay katapusang kinabuhi ug
kalipay nga iyang gisaad.
