Tuesday, June 19, 2012

Tuesday of the 11th Week in Ordinary Time (Year B)


Mateo 5:43-48. Unsa may angay natong buhaton sa atong mga kaaway? Adunay tawo nagpatambag sa pari. "Padre, adunay negosyante nga nagtukod og dakong tindahan atbang gayod sa akong gamay nga tindahan. Unsa may akong buhaton?" Ang pari mitubag: "Matag buntag moatubang ka sa imong tindahan ug bendisyoni kini. Pagkahuman, atubanga ang tindahan sa imong kompetensya ug bendisyoni usab kini. Himoa ni sulod sa usa ka bulan. Human ana balik dinhi ug suginli ko sa mahitabo." Human sa usa ka bulan, mibalik ang tawo ug miingon: "Padre, gibuhat nako ang imong gisugo. Karon, nasira na ang akong tindahan. Pero, gikuha ako sa akong kumpetensya ug gihimo nga tigdumala sa iyang tindahan."