Wednesday of the 11th Week in Ordinary Time (Year B)

Mateo 6:1-6, 16-18. Unsa man ang batasan nga angay mag-uban sa atong pagbuhat og maayo? Diha sa ebanghelyo si Cristo nag-ingon nga kon ang atong tuong kamot mohatag og limos dili nato pahibaloon ang atong walang kamot. Kini ang iyang pamaagi sa pagtudlo kanato sa dili pagpasigarbo sa atong mga maayong buhat. Usahay sa atong pagbuhat og maayo, adunay laing tawo nga mapasidunggan. Kon mahitabo kini, dili kita angay masuko o malain. Hinoon, isipon nato kini nga kahigayonan sa pagpakita sa Ginoo nga ang atong pagtabang kinasingkasing gayod, ug nga wala kita mag-apas sa tawhanong pagdayeg lamang. Alang kanato mas bililhon ang langitnong ganti kaysa pasidungog sa mga tawo.