Mateo
16:13-19. Nawad-an kana ba og paglaum sa usa ka tawo nga makasasala?
Dili gayod angay. Ang duha ka santos, nga atong gipasidunggan karon,
pareho nga kanhiay'ng makasasala. Si Pedro ang nagbudhi sa Ginoo;
samtang si Pablo ang naglutos sa unang mga sumusunod ni Cristo. Apan
ang Dios nilihok aron pagluwas nilang duha. Human sa Pagkabanhaw,
gihatagan ni Cristo si Pedro og kahigayonan nga makabawi sa iyang
sayop. Gani, gihatag kang Pedro ang mga yawi sa Gingharian sa Langit,
simbolo sa pagkapangulo sa Simbahan ni Cristo. Sa iyang bahin, si
Pablo, bisan dili apil sa 12, gihimong apostoles sa mga Hentil. Ingon
niini ang mahitabo sa makasasala nga modawat ug motubag sa hagit sa
Ginoo.
