Mateo
5:1-12. Unsa may kalainan sa kalipay ug kabulahanan? Ang kalipay
mahimong mahatag sa kalibotan. Pananglitan, ang tawo makakaplag og
kalipay diha sa kwarta, sa butang, o sa lawasnong relasyon. Apan dili
tanang tawo nga malipayon bulahan. Ngano man? Tungod kay ang
pagkabulahan makab-ot lamang sa mga tawo nga nahilambigit sa Dios.
Diha sa ebanghelyo karon, giingnan ni Jesus ang mga kabos, nagsubo,
gilutos ug dinaugdaog nga bulahan sila tungod kay sila nahiusa
kaniya. “Bulahan ang gilutos tungod sa ilang pagsunod sa kabubut-on
sa Dios, kay ila ang Gingharian sa langit.” Ang kabulahanan diay
mahatag lamang sa Dios; masinati kini sa mga tawo bisan sa ilang
kalisod ug kagul-anan.
