Mateo
7:1-5. Ngano man nga dili kita angay maghukom sa atong isigkaingon?
Sa pagsulti ni Jesus “Ayaw kamo paghukom sa uban”, iyang
gipasabot nga dili kita angay magkondena sa isigkatawo. Kitang tanan
adunay kakulangon tungod sa atong pagkatawhanon ug mga sakit nga
kagahapon. Ang Ginoo lamang maoy perpekto ug Siya ra ang may katungod
sa paghukom og tawo. Dugang pa niini, ang atong makita sa tawo mao
lamang ang anaa sa iyang gawas; dili nato makita ang anaa sa iyang
kasingkasing. Usahay ang tawo makabuhat og daotan o maayo bisan supak
sa iyang kabubut-on. Ang Dios lamang maoy masayod sa kasingkasing sa
kada tawo. Busa, Siya ra gyod ang may katakos sa paghukom og maayo.
