Lukas
1:57-66, 80. Unsa may dakong pagtulon-an nga atong makat-onan gikan
sa pagkatawo ni San Juan? Tungod sa iyang mainitong pagwali ug
pagpamunyag, daghan ang nagtoo nga si Juan mao na ang gipaabot nga
Mesiyas? Mahimo ni Juan nga pahimuslan ang sayop nga pagtoo sa mga
tawo, apan wala niya kini buhata. Hinoon, miingon siya, “Dili ako
ang inyong gipaabot. Adunay mosunod kanako, ug dili ako takus bisan
gani paghubo sa iyang sandalyas.” Si Juan maoy tawo nga dili
mapahimuslanon. Miila siya nga adunay Dios, ang tag-iya sa tanan ug
maoy angay'ng pasidunggan. Tungod sa maong pag-ila, si Juan nahimong
mapaubsanon ug matinud-anon sa misyon nga gisangon kaniya sa Labaw'ng
Makagagahum.
