Marcos
12:38-44. Kinsa man ang tawo nga makapalipay sa Ginoo? Una, siya
kadtong tawo nga maampoon ug mahigugmaon. Ang atong relasyon sa Ginoo
kinahanglan nga ubanan sa maayong relasyon sa isigkatawo. Diha sa
ebanghelyo gisaway ni Cristo ang mga Magtutudlo sa Balaod tungod kay
haloyo sa ilang tag-as nga mga pag-ampo, nanlupig sila sa mga biyuda
ug nangilog sa ilang mga katigayonan. Dili kini angay natong sundon.
Ug ikaduha, ang tawo makapahimuot sa Ginoo kon siya andam maghalad sa
iyang tibuok kinabuhi ngadto sa iyang Magbubuhat. Ang biyuda nga
mihulog sa panudlanan sa templo og duha ka sensilyo gidayeg sa Dios
tungod kay sa pagbuhat niini gihatag na niya ang tanan nga
iyang gihuptan.
