MARCOS 6:1-6, 16-18. UNSA MAY MENSAHE PARA KANATO
NING MIERKOLES BADLIS? Sulod sa Santos nga Misa, himoon ang solemne nga
pagbadlis og abo sa agtang sa mga tawo. Sa paghimo niini, ang pari mopili sa
duha ka formula nga iyang isulti: Ang una, “Hinumdumi tawo, ikaw abog, ug sa
abog ikaw mobalik.”, ug ang ikaduha, “Biya-i ang sala ug pagmatinud-anon sa
Ebanghelyo.” Kining mga pulonga magpahinumdum kanato sa atong pagka-mortal ug
sa atong pagkamakasasala. Sa pagkatinuod, wala kitay bili tungod kay abog lamang
kita, ug wala kitay ikapasigarbo kay mahuyang ug makasasala kita. Apan, ang abo
nga ikuros sa atong agtang magtudlo usab kanato sa usa ka nindot nga
kamatuoran. Bisan abog lang kita, ug bisan sa atong pagkamakasasala nahimo
kitang bililhon tungod sa paghalad ni Kristo sa iyang kinabuhi didto sa krus.
No comments:
Post a Comment