LUKAS 11:29-32. UNSA MAN ANG MAKAPANGIL-AD SA USA
KA KATILINGBAN? Diha sa ebanghelyo si Hesus nakatuwaw sa pag-ingon,
“Pagkadautan gayod sa katawhan niining panahona!” Nabungat niya kini tungod kay
ang mga tawo nidumili sa pagtoo kaniya bisan sa mga milagro ug maayong buhat
nga nag-uban sa iyang pagsangyaw. Ang katilingban, o bisan ang pamilya, nga
dili moila o dili maminaw sa Dios mapuno gayod sa kadautan. Maghari kanila ang
kalaog, kasina, pagdumot, panag-away ug uban pa. Ning Kwaresma, atong pangayoon
sa Dios ang grasya nga makakita o mabati nato ang iyang presensya diha sa atong
taliwala, ug diha sa mga panghitabo sa atong kinabuhi. Ang iyang talagsaong
gugma magdasig unta kanato sa pagbasol sa mga sala ug sa pagsugod og lakaw sa
dalan sa katarong.
No comments:
Post a Comment