MATEO 5:20-26. UNSA MAY MAGHIMO SA TAWO NGA
MATARONG ATUBANGAN SA DIOS? Para sa mga Pariseo, ang pagsunod sa mga letra sa
Balaod maoy maghimo kanilang matarong. Apan alang kang Kristo, dili pa kini
igo. Ang tawo mahimo lamang nga matarong kon siya matinud-anon sa iyang mga gipangbuhat.
Himoon niya ang pag-ampo, pagpangayo’g pasaylo, pagpakig-uli, pagtabang sa
kabos, ug pag-amping sa kinaiyahan tungod kay nasayod siya nga kini ang sakto.
Buhaton niya kini bisan kon walay mga tawo nga nagtan-aw kaniya. Si Kristo
nagtudlo nga kon magbuhat kita’g maayo aron lamang daygon, mahisama kita sa
“pinaputing lubnganan” nga limpyo lamang sa gawas apan hugaw ang sulod. Ning
panahon sa Kwaresma, aduna kitay daghang mga tulumanon. Hinaot unta nga himoon
nato ang tanan sa kinasingkasing nga paagi.
No comments:
Post a Comment