JUAN 3:16-21. UNSA MAY MAS MASAYON – ANG PAGLUWAS O
ANG PAGKONDENA OG TAWO? Ang pagkondena dali ra nga buhaton. Bungolan, libakon,
ug panghimaraoton lang nato ang tawo, human dayon ang estorya. Apan ang
pagluwas dugay ug malisod nga himoon. Kinahanglan ka nga magsakripisyo,
magpasensya, magpasaylo, ug maghatag og giya sa usa ka tawo. Si Hesus miingon,
“Wala ipadala sa Dios ang Iyang Anak nganhi sa kalibotan aron pagsilot kondili
aron pagluwas.” Ang Ginoo nagpili sa malisod nga paagi. Nagmapailobon ug
nagmapasayloon siya. Naghalad siya sa kinabuhi sa iyang Anak aron maluwas kitang
mga makasasala. Nindot kining pahinumdum: “When you’re tempted to lose patience
with someone, think how patient God has been with you all the time.”
No comments:
Post a Comment