LUKAS 8:1-3. NGANONG ANGAY MANG RESPETOHAN
ANG KABABAYENHAN? Si Hesus naghatag sa mga babaye og susamang pagtahod nga
iyang gihatag sa mga lalaki. Sa ebanghelyo adunay mga babaye nga nag-uban kang
Hesus sa iyang ministeryo publiko. Kini nagpakita nga ang mga babaye adunay
aktibong papel sa pagtukod sa Gingharian sa Dios. Sukwahi kini sa kultura sa
mga Hudiyo sa iyang panahon nga nag-isip sa mga babaye nga ubos nga sakop sa
katilingban. Ang ehemplo ni Hesus maghagit kanato sa pagtahod sa mga
kababayenhan ug pag-ila sa ilang bililhong papel sa Simbahan. Si San Juan Pablo
Dos nag-ingon: “It is the duty of every man to uphold the dignity of every
woman.” Matag higayon nga daoton sa tawo ang dignidad sa mga kababayenhan,
tabla ra nga iyang gipakaubos ang iyang kaugalingon ug ang iyang bokasyon (Mulieris Dignitatem, 10).
No comments:
Post a Comment