MATEO 11:16-19. GIPAMINAW UG GISUNOD BA NATO ANG PANAWAGAN SA
ADBIYENTO? Pinaagi’g sambingay, gihulagway ni Hesus ang kahimtang sa katawhan
sa iyang panahon. Sama sila sa mga bata nga wala maminaw ug wala motunong sa gipabuhat
sa ilang mga kadula. Ning panahon sa Adbiyento, ang Simbahan nagtawag kanato
nga mag-andam sa kaugalingon alang sa pag-abot ni Hesus nga Manunubos. Gidasig
kita sa pagbag-o sa kinabuhi, sa pagbiya sa daotang binuhatan, ug sa
pagpakighiuli sa kaugalingon ngadto sa Dios. Hinaot nga mosunod kita ning maong
panawagan, ug dili magbuhat og dili angayan. Sakto ang giingon, “Christmas is
not as much about opening our presents as opening our hearts.” Hinaot nga ning
kapaskohan, dili lamang mga pinutos nga gasa ang atong ablihan kondili ang
atong mga kasingkasing.
No comments:
Post a Comment