LUKAS 7:18-23. UNSA MAY TIMAILHAN SA PAGHARI SA DIOS DINHI SA
KALIBOTAN? Ang tubag ni Hesus sa mga sinugo ni Juan nagpakita sa mapadayonon
nga pag-amoma sa Dios sa Iyang mga binuhat. Si Hesus mao ang katumanan sa
panagna sa mga propeta: “Ang mga buta nakakita, ang mga bakol nakalakaw, ang
mga sanlahon naayo, ug ang mga bungol nakadungog, ang mga minatay nabuhi, ug
ang Maayong Balita giwali ngadto sa mga kabos.” Sakto ang giingon, “Jesus did
not come to make God’s love possible, but to make God’s love visible.”Ang buhat
nga gisugdan ni Hesus gipadayon karon sa Iyang mga tinun-an. Ang Adbiyento
magpahinumdum kanato sa atong tahas sa pagtabang sa mga huyang, pag-ayo sa mga
masakiton, ug paghatag og paglaum sa mga gikapoyan. Kini ang magpakita nga si
Hesus naghari na sa atong kinabuhi.
No comments:
Post a Comment